Siglir tar il cuntegn

Header

Youtube
cuntegn

Desireless: «Voyage voyage»

Il 1986 ha ina chanzun franzosa fatg furore en las paradas da tut l'europa, ina chanzun sco ina lecziun da geografia: «Voyage voyage».

Claudie Fritsch-Mentrop è naschida il 1952 a Paris, e da giuvna è ella plain energia s'interessa per moda e design. Il 1980 ha ella cumenzà a far musica, l'emprim jazz ed RnB, e lura ha ella chattà pass per pass ses agen stil. Ses unic grond success ha ella registrà il 1986 cun sustegn dal cumponist e producent Jean Michel Rivat. Quella chanzun en il stil da new wave e sintipop è stada sco fatga aposta per quels onns, e gidà han er il stil da la chantadura cun sia frisura extravaganta e ses num d'artista in pau misterius «Desireless». Il text da «Voyage voyage» è in pau esoteric, tracta da stad, libertad ed il desideri da scuvrir pajais lontans e da far viadi sin auas sontgas da flums da l'India ubain sin vulcans misterius. En Svizra è la chanzun arrivada be sin plaz 4, a la fin da l'onn hai però tanschì per gudognar suveranamain la parada annuala.

Dapli da «Ina chanzun – in’istorgia»

Scrollar a sanestra Scrollar a dretga