Big Bang - la plazza aviatica dad Istanbul fa midada

La nova plazza aviatica ad Istanbul ha custà passa diesch milliardas euros. La construcziun ha cuzzà be quatter onns e mez. L'Airport Istanbul duai daventar in center da l'aviatica globala e far concurrenza a Dubai. Durant l'emprim onn sa la nova plazza aviatica servir a 90 milliuns passagiers, pli tard a 200 milliuns. La nova plazza aviatica ad Istanbul daventass uschia la pli gronda dal mund.