Siglir tar il cuntegn

Header

audio
Shoegaze
MAD
laschar ir. Durada: 60 minutas 45 Secundas.
cuntegn

La renaschientscha dal moviment da «Shoegaze»?

«Shoegazing» (guardar sin ils chalzers) u «Shoegaze» è in stil da musica da rock, ch'è vegnì inventà ils onns 1980 da la pressa da musica englaisa.

Ghitarrists da las bands da «Shoegaze» han sco ì para lur egliada d'in cuntin giu sin lur apparat d'effect, respectivamain sin lur chalzers, cura ch'els stattan sin tribuna.

La musica sa distingua en general tras tuns da ghitarra dominants, melodics e savens polifons, che vegnan creads cun agid d'apparats d'effect electronics e sintetisaders.

Bands represchentantas dal moviment da «Shoegaze» èn Spacemen 3, My Bloody Valentine, Slowdive u Ride.

Quellas bands han gì success en l'Engalterra ed auters lieus, han per il pli publitgà in pèr albums e suenter èn ellas vegnidas stgatschadas da gruppas da Britpop sco The Verve, Pulp, Blur u Oasis.

Gist duas bands da «Shoegaze» festiveschan actualmain in comeback e publitgeschan nova musica suenter plirs onns – Slowdive e Ride. Il Soundcheck intunescha lur chanzuns novas. E dasper blers auters novs sounds udis er in toc propi groovy d'ina gruppa da blues-punk da Mali en l'Africa.

Dapli da «Il soundcheck»

Scrollar a sanestra Scrollar a dretga