Siglir tar il cuntegn

Header

audio
Keystone
laschar ir. Durada: 3 minutas 14 Secundas.
cuntegn

Pertge è il maraton adina 42 km lung?

La 52avla ediziun dal maraton da skis engiadinais, uss dumengia cun partenza a Malögia ed arrivada a S-chanf. Quai èn 42 km. Dentant, pertge èsi uschia ch'in maraton ha adina ina lunghezza da 42 km?

Ina legenda di che quels 42 km sajan la distanza tranter ils dus lieus en Grezia, ils lieus Marathon ed Athen. En vardad ha questa distanza dentant stuì esser stada pli curta che 42 km. L'origin sa chatta plitost tar ils gieus olimpics a Londra il 1908. 

Lura avess il maraton da currer gì da vegnir manà atras cun la partenza tar il chastè da Windsor e l'arrivada en il stadion. Quai correspundeva ad ina lunghezza da precis 42 km. 

La regina Alexandria vuleva dentant ch'il maraton passa sperasvi precis là nua che sia fanestra dal chastè era e ch'il maraton fineschia avant sia loge en il stadion olimpic a Londra. Per ademplir quest giavisch han ins stuì prolungar il maraton per 195 m. 

Uschia èsi vegnì tar quai ch'il maraton ha survegnì la lunghezza da 42 km e 195 m.

Dapli da «La cifra»

Scrollar a sanestra Scrollar a dretga