Adina puspè audan ins che vischnancas ston serrar scolas u scolinas perquai ch'il dumber d'uffants va cuntinuadamain enavos. Las annadas vegnan adina pli pitschnas, las scolas ston fusiunar ubain unir classas. Auter vesa quai ora a Zezras, là sto la scola stgaffir in'ulteriura classa da scolina perquai ch'els han 70 scolarets per il proxim onn da scola. Quest onn datti trais classas da scolina e per l'onn da scola 2015/16 vegni a dar ina quarta classa. Questa classa n'ha dentant betg plaz el bajetg existent da la scolina e per quest motiv ha il cussegl da scola fittà ina stanza el bajetg da la fundaziun St. Johannes. Bruno Derungs, ch'è il president dil cussegl scola, di ch'i haja dà malsegirtads tar geniturs davart quests plans. Ma suenter in'infurmaziun da l'emna vargada saja la gronda part dals geniturs stada d'accord cun la decisiun.
Zezras: Ina classa da scolina supplementara 2015/16
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter