Questa sonda è Cuira puspè la chapitala dal schlagher e millis vegnan a sa divertir cun musica, vespas e vestgids dals onns 70 ed 80. Avant 3 onns avain nus er gì visitas da Karel Gott, la «vusch d'aur da Prag». El ha 79 onns e tar nus è el enconuschent pervi da sias chanzuns da schlagher sco «Fang das Licht» ubain «Einmal um die ganze Welt».
Ses pli grond hit ha da far cun ils films animads da «Biene Maja», ina seria oriunda dal Giapun e Karel Gott ha chantà la versiun tudestga. Per el in grond success, pertge en quels onns ch'il film è vegnì mussà en il ZDF eran 3 fin 4 milliuns uffants davant la televisiun.
La cumposiziun da Karel Svoboda ha perquai fascinà ina generaziun intera, er en Austria ed en Svizra.
