Siglir tar il cuntegn

Header

audio
Truth social – La plattafurma sociala da Donald J. Trump.
foto: Keystone, montascha: RTR
laschar ir. Durada: 3 minutas 54 Secundas.
cuntegn

«Truth social» – Trump bajegia si'atgna plattafurma

Lanteriur president american Donald J. Trump ha lantschà si'atgna plattafurma sociala «Truth Social». Dapi ils 20 da favrer è lapp disponibla en l'Apple Store. Linteress è stà uschè grond ch'i dat ussa ina glista da spetga. La app duai però esser averta ed operabla fin la fin da mars.

La nova app vesa en sasez ora sco mintg'autra plattafurma da medias socialas: Posts, videos e maletgs, commentaris e likes. Quai tenor in emprim video (video da reclama) che la Trump Media & Technology Group ha publitgà sin la homepage da l'app. La app pon ins actualmain chargiar giu mo en ils Stadis Unids e quatras èsi difficil da giuditgar il cuntegn.

Trump vul preschientscha malgrà bloccada

La app veva Trump annunziau, suenter che Meta, Google e Twitter l'avevan bloccà. Quai suenter l'assagl sin il capitol ils 6 da schaner 2021 cun la remartga ch'el haja instigà a violenza. La finamira annunziada da lezzas uras: In medium social avert per tuttas e tuts, e tut ils cuntegns.

Averta per tuttas e tuts – però tuttina survegliada

E tuttina na duai la plattafurma betg derasar cuntegns illegals u radicals: Tenor atgnas indicaziuns decida in algoritmus, tge che vegn publitgà e tge betg. I duai esser ina plattafurma averta e confurma era a basegns da famiglias. Tals algoritmus n'èn però mai 100%, uschia ch'i po esser che cuntegns legitims vegnan sclaus ed auters – illegitims – cumparan tuttina.

Dapli mesira da PR che plattafurma sociala

La finamira principala da Trump para oravon tut dad esser che Trump po duvrar ina plattafurma che plascha e cunvegna ad el – e chel po uschia esser e star preschent ed en discussiun essend sclaus dals gronds. E quai para per il mument da funcziunar.

Dapli da «Il Digitip - il tip digital»

Scrollar a sanestra Scrollar a dretga