Siglir tar il cuntegn

Header

audio
Keystone
laschar ir. Durada: 3 minutas 29 Secundas.
cuntegn

Rendi da serrar giu la forza dal router durant la notg?

Ina u l'autra chaussa vali da resguardar sch'ins vul tschentar giu il router per spargnar in zic electricitad. Tge ch'è dentant cler: I na fa betg empaglia il router sch'ins tira savens or il cabel. Quest mitos na constat betg.

In router dovra tut tenor model, tranter 5 fin 12 watts electricitad. Sch'ins tschenta pia or il router sur notg u cura ch'ins è en vacanzas, spargna quai per onn radund 29 kilowatt uras. Quai è circa tanta energia sco quai ch'ins dovra per 60 maschinas da lavar resti u quintà enturn e CO2, fiss quai circa tant sco quai ch'il consum da trais kilos charn dovran.

I dat in u l'auter punct da resguardar

Sur notg fan ils purschiders dinternet regularmain updates da segirezza sin ils routers. Quai per disturbar uschè pauc sco pussibel il diever. Sch'il router è dentan tschentà or, vegn l'update spustà sin la proxima notg, ed uschia vinavant. Quai poir fin ad in mais. Lura vegn l'update installà automaticamain cura ch'il router vegn puspè tschentà en. Ma, quai è in lung temp ed i po gia avair largias en la rait da segirezza.

Ultra da quai èn ozendi er bleras autras apparaturas dependentas d'ina colliaziun d'internet. Per exempel telefons da la rait fixa, cameras da surveglianza u pegnas. Sch'il router è tschentà giu, na funcziunan er quels apparats betg.

Tschentar giu be la funcziun da WLAN

Ils purschiders d'internet proponan perquai da betg allontanar il cabel da forza da la bischla mabain da be tschentar giu il WLAN. Ils blers apparats han in tal nuf u ch'ins po far quai via in'applicaziun.

Sch'ins va dentant en vacanzas, poi senz'auter far senn da trair il cabel da la bischla u da duvrar bischlas multiplas cun in nuf da tschentar ora.

Dapli da «Il Digitip - il tip digital»

Scrollar a sanestra Scrollar a dretga