Gest sis Oscars ha Arthur Cohn gudagnà en sia carriera. Tons sco anc nagin auter producent avant el. Tranter auter èn ses films «Ein Tag im September» ni «American Dream» vegnids premiads. Il producent da film ch'è naschì e creschì si a Basilea è era stà l'emprim producent betg american che ha survegnì ina staila sin il Walk of Fame a Los Angeles. Ed anc oz è Arthur Cohn, ch'è schon dapi ils onns sessanta en il business da film, activs. Mumentan lavura el vid in film che sa basa sin ina novella spagnola. Il film cun il titel «The Etruscan Smile» vegn preschentà ils 9 da favrer a Basilea.
Arthur Cohn – anc cun 90 onns fieu e flomma per il film
El è in dals paucs producents svizzers che ha fatg carriera a Hollywood. Oz, ils 4 da favrer festivescha Arthur Cohn ses 90avel anniversari. Era cun 90 onns patratga Cohn buc vid sa metter a ruaus.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
