Siglir tar il cuntegn

Header

Keystone
cuntegn

Wynton Marsalis: «Finale» dal concert da trumbetta da Haydn

Per la fin da l'onn avain nus tschernì insatge festiv, in pau extraordinari e nunusità – in dals tocs zunt enconuschents da la musica classica.

La fin dal 18avel tschentaner è vegnida inventada ina trumbetta cun clappas e Joseph Haydn ha cumponì il 1796 l'emprim concert per quel instrument, il concert per trumbetta ed orchester en Es-Dur che vala sco in dals pli impurtants da quel gener. I dat numerusas interpretaziuns da musicists renumads: da Ludwig Güttler fin Maurice Andrè – ed er ina enconuschenta da Wynton Marsalis, trumbettist american, naschì il 1961.

Cun 12 onns ha Marsalis cumenzà a far musica ed el è er dachasa en il jazz. Ina da sias capodovras da la musica classica è l'interpretaziun dal concert da Haydn ensembel cun l'English Chamber Orchestra e ses dirigent Raymond Leppard. Per quella registraziun impressiunanta ha el schizunt survegnì il 1983 in Grammy.

Dapli da «Ina chanzun – in’istorgia»

Scrollar a sanestra Scrollar a dretga