Schluein: Piglar talpas renda

A Schluein datti bleras talpas. La talpa è atgnamain in animal nizzaivel. Per exempel maglia ella coss e protegia uschia ils prads. Memia bleras talpas en ils prads n'è dentant betg bun. Cunzunt il terratsch dals munts da talpas fan donns. Entras quels munts van las maschinas da segar pli spert empaglia ed era il fain ha mendra qualitad quai pervia ch'el è tschufragnads cun terratsch. Per animar dapli persunas da ir suenter talpas, ha la vischnanca da Schluein decidì, da pajar CHF 4.-- per talpa pigliada.