Madness: «One step beyond»

La fin dals onns 70 datti en la Gronda Bretagna la fevra da Ska e bands sco ils «Specials» e «Madness» han conjunctura cun lur musica che va en las chommas. Il ska è la musica jamaicana dals onns 60, gruglia e sperta. Da quella sa sviluppa lura il reggae in pau pli plan che conquista tut il mund. La fin dals onns 70 datti en Gronda Bretagna ina renaschientscha dal ska, che vegn anc maschadà cun in pau punk e new wave. Ina da las band impurtantas da quel moviment èn stads ils «Madness» da Camden Town, in disctrict da Londra. Lur emprim hit: «One step beyond». Quella chanzun aveva ragischs Jamaicanas ed era ina cumposiziun dal 1964, dal musicist da ska Prince Buster. Madness han elavura in pau quel toc ed han registra ina sequenza da 1 minut e 10 secundas. Quella part anc ter gruglia ha il produzent redubla ed agiuntà il chant, e pli tard vuleva el far il mix definitiv. Cun quella versiun ha pero intgin auter laschà far il master – e «One step beyond», il toc ch'era anc en lavur, e vegni en las butias ed è daventa in hit, surtut tar la giuventegna che amava ses ritmus selvadi.