Cun 7 onns ha Jean Claude Borelly scuvert sia passiun per la trumbetta, cur ch'el ha vis a Louis Armstrong en televisiun. Pli tard fa el ina scolaziun ed a partir dal 1972 gudogna el ses raps sco musicist professiunal en clubs a Paris. Be 3 onns pli tard suna el in toc cumponì da Paul de Senneville ed Olivier Toussaint, ina melodia per trumbetta e flauta da pan. Cun quella ha el in success enorm, e quai sur notg.
La chanzun zunt sentimentala e dultscha riva en Germania, Austria ed en Svizra sin l'emprima plazza – e tar nus resta ella là per 14 emnas, e tegna sin distanza ad interprets sco Abba, Rod Stewart e la George Baker Selection. Per Borelly è quai pero stà l'unic grond success, malgrà ch'el ha fatg ils onns 90 numerus concerts en ils Stadis Unids e surtut a Las Vegas.
