Leger, legia el pli gugent litteratura inglaisa ubain crimis dal nord. Sco quai che Daniel Telli tira endament mintgatant ina figura or d'in roman svedais («da paucs pleds, profund e melancolic»). Sin la plazza dad unihockey sa transfurma el en in giugader emoziunal ed intuitiv. El sa regorda da sia carriera da l'uniun a Trin enfin en la squadra naziunala, tge ch'al fa vegnir granata, e pertge ch'el sez na vala nagut sco trenader.
En discurs cun Anna Serarda Campell raquinta el, pertge ch'el vess en sasez stuì daventar veterinari, co ch'il sport è stà sia scola per la vita, e daco ch'el ha in'olma svedaisa.
