Quai sa capitar, ils iPhones nhan betg gugent il fraid. Il problem è enconuschent – uschia cusseglia Apple da duvrar indrizs dad IOS mo tranter ina temperatura da 0 enfin 35 grads celsius. Apple recumonda schizunt, da na deponer ils telefonins sut 20 grads sut nulla.
Las raschuns san esser differentas. Smartphones èn sistems fitg cumplex. Il sistem operativ pudess esser la culpa, dentant era il accu. Sche la tensiun en il accu croda sut 3 volts, sa mettan giu ils indrizs automaticamain. Uschia vegn evità che la pitschna ovra electrica, chin accu è en sasez, survegn donns irreparabels.
Tge far cunter? Tip 1: Tegnair il telefonin dastruscha a l'agen corp per ch'el haja chaud. Tip 2: Plegar il telefonin en ina cuverta - ina «hülla» - da fieuter da launa u da neopren.
Tar intgins iPhones dal tip 6s paran da sa metter giu tants telefonins, che Apple ha reagì. Apple ha identifitgà chi sa tractia para en emprima lingia dad ina seria chè vegnida fabritgada in settember ed october 2015. I na saja betg in problem da segirezza, stat gia en la segunda lingia, tuttina san ils users pertutgads controllar, sche lur telefonin è er pertutgà: https://www.apple.com/de/support/iphone6s-unexpectedshutdown/
E per tut tschels, che sa grittentan pervi chil telefon ha mess giu resta ina consolaziun: Quai als pargna probablamain anc dapli grittas pervi dad ina prestaziun dad accu noscha.
