Quantas dad ellas èn propi integradas en il mund da la lavur, en uniuns, en activitads da temp liber, en films, en serias, en revistas da moda? Pensain nus ad ellas, cura che nus construin trens, chasas u fatschentas? Sa sentan ellas integradas?
La Marella ed ina seria auditiva dad RTR eran sa fatschentadas avant in onn cun questas dumondas. La seria dad Astrid Alexandre vegn undrada l'emna proxima a Berna cun il Premi da medias catolic 2021. En questa occasiun repetin nus la Marella dal november 2020.