Atgnamain sa numna Bob Dylan cun num gist Robert Zimmermann. Ses geniturs èn descendents d'immigrants tudestg-ucranais. El è naschì a Minnesota. Cun la musica ha el gia cumenzà durant la high-school. Cun 21 onns ha el publitgà ses emprim album. Avant ha el chantà sco preprogram da John Lee Hooker ubain sunà orgelet da bucca sin in album da Harry Belafonte.
Cun ses segund album e la chanzun «Blowin' in the wind» è Bob Dylan vegnì propi renumà sco chantadur da protest per in'entira generaziun.
