En la sparta musica populara sa mesiran venderdi, ils 29-03-19 las furmaziuns: Kapelle Sondewend (Appenzell), die Geschwister Natascha und Maruschka Monney (Fribourg), Zmoos-Art (Jura), il solist a la mandolina Mattia Albisetti (Ticino) e da l'Engiadina il Trio Barlas-ch cun Jon Andri Guler (clarinetta), Bigna Guler (orgelin) e Gian Andri Janett (cello).
Ina giuria d'experts vegn a valitar las prestaziuns. Ils victurs da mintga sparta vegnan envidads al grond final che ha lieu il settember a Crans-Montana, e che vegn emess lura directamain da las televisiuns SRF, RSI e RTS. L'Artg musical porta impreschiuns dal Zoogä-n-am Boogä realisà il venderdi saira a Reiden (LU) en l'Hotel Sonne.