Siglir tar il cuntegn

Header

audio
Il siemi american stat per egualitad, libertad e success.
Il siemi american stat per egualitad, libertad e success.
laschar ir. Durada: 3 minutas 27 Secundas.
cuntegn

Tipic american – American Dream

Il siemi american, dal lava plats al milliunari, quel deriva oriundamain ord la decleraziun d'independenza dals Stadis Unids il 1776.

Cura ch'ils Stadis Unids èn sa declerads independents dal domini colonial da la Gronda Britannia è vegnì francà en la constituziun il patratgar che cun lavurar po mintgin cuntanscher bainstanza. Quai cun ils dretgs fundamentals per in e scadin, libertad, il dretg da la vita ed il dretg da persequitar/cuntanscher il cletg. Quels na dastgan betg vegnir limitads.

La nova libertad han ils americans purtà en l'entir mund. Quai ha lura er chaschunà grondas undas da migraziun, da glieud ch'è ida a tschertgar il cletg en ils Stadis Unids. Singuls han er propi fatg or da nagut milliuns, quai che ha sustegnì la legenda dal siemi american.

Che mintgin è sez responsabel per ses cletg e n'è betg restrenschì tras facturs dads da la societad, quai na constat ozendi er betg pli per ils Stadis Unids. Studis mussan che las schanzas da cuntanscher bainstanza dependa fermamain or da tge classa sociala ch'ins deriva - schizunt anc pli fer che en l'Europa.

Dapli da «Il chavazzin dal di»

Scrollar a sanestra Scrollar a dretga