Organisaziuns d'animals e politichers pretendan cun la petiziun da francar in obligatori da chastrar giats en Svizra. En Svizra datti passa 300'000 giats ch'èn da nagin. Var 100'000 giats nungiavischads vegnan mazzads u dismess onn per onn a moda crudaivla. Cun l'obligatori da chastrar duess la multiplicaziun nuncontrollada da giats vegnir franada.
I dat duas metodas da chastraziun, omaduas pretendan operaziuns. Ina è la chastraziun sco tala. Tar las giattas vegn allontanà ils ovaris e mintgatant er la madra, tar ils mastgels ils testiculs. Er ina sterilisaziun impedescha la multiplicaziun. Tar la sterilisaziun vegn interrut ils oviducts da las giattas u ils chanals da sperma dals mastgels. Las sterilisaziuns èn operaziuns pitschnas e la producziun d'ormons sexuals resta. Ina chastraziun dals giats vegn recumandada en la vegliadetgna da tschintg fin diesch mais.
Chastrar giats
Ina petiziun cun varga 100'000 suttascripziuns pretenda in obligatori da chastrar giats che van giuador.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter