Metter spert vi dal cabel per in pèr minutas na gida betg bler. Dischillusiunant, schins vesa lura chins ha gudagnà forsa 5% chèn spert puspè sin 0%.
Per chargiar pli spert datti pliras schliaziuns, cun differents avantatgs e dischavantatgs:
- Il pli spert vai cun apparats chempermettan da chargiar pli spert il telefonin – uschènumnads "power chargers".
PERÒ: Quests èsi però dad applitgar cun precauziun. Per lamur da l'accu dal telefonin n'èsi betg raschunaivel d'als duvrar mintga di, mabain en cass urgents. L'accu dal telefonin viva numnadamein pli ditg, schins al chargia en ses tempo, per il qual el è optimà.
- Metter direct via cabel vi da la bischla da contact, enstagl da metter vi dal computer. La bischla trametta dapli energia tras il cabel ch'il computer, e quai decida il temp.
- Metter giu il telefonin durant chargiar, u almain metter el en il «modus da sgular» avant da lattatgar. Lura èn tut ils servetschs che marschan davostiers en il telefonin deactivads – sco per exempel Bluetooth, radio, wifi, etc.
PERÒ: Sa chapescha chi na dat lura era nagins messadis, telefons, etc durant quel temp.
Inautra schliaziun – tenor mai la megliera: Cumprar ina uschènumnada «powerbank», pia in accu extern ch'è ina battaria mobila recargabla. Cheu datti ils pli differents products da cumprar era tar kioscs.
PERÒ: Per 30-50 francs survegnan ins gia products acceptabels e per part buns.
Da far stim èsi che la capacitad saja grond'avunda. En media vala ch'i dovra la capacitad da radund il dubel da l'accu dal telefonin. Però cun 6'000 mAh (milli-ampers pro ura) na van ins betg mal. I renda da cumprar ina in tec pli gronda.
Cun quai akku extern pon ins chargiar il telefonin gist sin sava e viagiont. Resta pia mo da procurar che l'accu extern saja era chargià, cura ch'ins senta sin sava chil telefonin è baud vid ;-)
