Eva Cassidy è morta ils 2 da november dal 1996 cun be 33 onns. Ses cumbat cunter il cancer è sta invan. Dus onns suenter sia mort è ella daventada enconuschenta cun il disc e la chanzun cun il titel «Songbird», oriundamain ina cumposiziun da Christine McVie da Fleetwood Mac.
Gia durant il temp da scola fa Eva Cassidy musica da folk e dat concerts. Per ina scola da musica na bastan però ils raps betg. Uschia daventa ella in pau enconuschenta en la regiun da Washington, però en auters lieus n'enconuscha nagin ses talent. Pir suenter sia mort propona ina da sia amias da far in disc cun sias chanzuns. L'album «Songbird» cun 10 reprisas da chanzuns fitg popularas resta però en las curunas, fin ch'in moderatur brit preschenta las chanzuns en in'emissiun da la BBC. Pauc pli tard è il disc sin plaz 1 da la parada da hits englaisa. La bellischma chanzun evochescha emoziuns, pertge ella raquinta l'istorgia da la chantautura Eva Cassidy che ha stuì murir cun 33 ons.
Eva Cassidy: «Songbird»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
