Siglir tar il cuntegn

Header

audio
Co cumpensar il sgol da las proximas vacanzas?
Keystone
laschar ir. Durada: 6 minutas 32 Secundas.
cuntegn

Digitip – Cumpensar CO2 cun agid digital

Gist avant las vacanzas da stad datti bleras discussiuns pervi da cumpensaziun d'emissiuns da CO2. La redacziun online ha tschertgà en la rait, tge calculaturs d'emissiuns ch'i dat e tge propostas per cumpensar las emissiuns che vegnan fatgas.

Download

Calcular quantas emissiuns ch'ins causescha cun far in sgol en vacanzas, pon ins per exempel sin las paginas d'internet da myclimate e South Pole. La calculaziun da quellas emissiuns n'è dentant betg uschè simpla e perquai na survegn'ins per in sgol da Turitg a Rhodos sin las duas paginas betg il medem resultat. Ina giada causeschan ins cun il sgol dad ir e turnar 0,7 tonnas CO2 e l'autra giada 0,8 tonnas. 

Per propi cumpensar lura las emissiuns da CO2 porschan omaduas plattafurmas la pussaivladad da sa participar finanzialmain vi d'in project a favur dal clima. Savens èn quai projects en pajais da svilup. Per il sgol a Rhodos custass quai lura tar South Pole 14 francs e tar myclimate 24 francs.

Ina pussaivladad per survegnir ina survista pli detagliada sur da las emissiuns che nus causain mintga di, porscha il calculatur da footprint dal WWF. Suenter emplenir ora il questiunari, ves'ins nua ch'ins stat en relaziun tar la media svizra e survegn intgins tips, tge ch'ins pudess far sez a favur dal clima.

Dapli da «Tips, trics e tacs»

Scrollar a sanestra Scrollar a dretga