En l'avegnir han ils schuldads ed auters commembers da l'armada americana la pussaivladad d'empustar il cuntè da satg svizzer. El n'è però betg obligatoric.
Bun per l'image – ma anc betg la gronda fatschenta
Per la firma da tradiziun svizra n'è il contract cun l'armada americana finanzialmain anc betg ina gronda fatschenta. Quai ha ditg Paul Camenzind, responsabel da Victorinox envers la Luzerner Zeitung. La vendita civila saja anc uss bler pli lucrativa. Quants cuntels che Victorinox ha gia vendì a l'armada americana, n'ha el betg vulì tradir.
Tuttina saja il contract in gornd gudogn per l'image da Victorinox. Sin la glista da material da la US-Army vegnan be paucas firmas da l'exteriur. E Victorinox spera cunzunt da far anc pli enconuschent la marca en ils Stadis Unids tras il contract cun l'armada.