Iggy Pop: «The Passenger»

Cun sia emprima gruppa The Stooges ha Iggy Pop gia festivà success. Cun il success èn era las drogas vegnidas en la vita da James Newell Jim Osterberg – co Iggy Pop ha propi num. Ses bun ami David Bowie ha lura gidà el da vegnir or da las drogas. Ensemen èn els ids a Berlin dal vest per abitar e collavurar. Durant quai temp ha Iggy Pop scrit la chanzun «The Passenger» che sa basa sin ina poesia da Jim Morrison. En la chanzun descriva Iggy Pop insaquantas experientschas ord sia vita, ma era da viadis cun auto tras la Germania. Tge ch'el n'ha dentant mai menziunà en ses text è ch'el è charrà senza permiss dad ir cun auto.