Il 1964 ha Herbie Hancock registrà «Cantaloupe Island» cun ina melodia da piano che resta per adina en l'ureglia. El era en ils studios legendars da Blue Note a New York, accumpagnà da Freddie Hubbard, Ron Carter e Tony Williams.
Il toc è daventa in dals tocs da jazz, ils pli enconuschents e ch'è vegnì interpretà da blers auters. Ina da las versiuns las pli interessantas è naschida il 1993, ed er quella è cumparida tar Blue Note. La band da Londra Us3 enturn il producent Geoff Wilkinson lavurava exclusivamain cun samples da semperverds dal label Blue Note, ed er il toc da Hancock ha survegnì in vestgi dal tuttafatg nov cun dapli tempo ed in groove modern ch'è arrivà en ils Stadis Unids fin sin plazza 9 da la parada da hits. E blers han scuvert cun quest toc er l'original da Hancock ed auters tocs dal jazz.
US3: «Cantaloop (Flip Fantasia)»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
