L'Africa dal Sid è stà fin la fin dals onns 80 il pajais da l'apartheid, la separaziun da las razzas. In ch'è s'engaschà per ils dretgs dals nairs è stà Johnny Clegg, oriundamain in brittanic ed ina figura impurtanta da la musica da l'Africa dal Sid. El ha fundà las bands Juluka e Savuka, bands cun musicists nairs ed alvs che fusiunavan la musica tradiziunala dals Zulus cun musica da pop e rock. Ed er ils texts engaschads e politics eran en la lingua indigena e per englais. L'emprim success han els gì il 1987 cun lur emprim disc «Third World Child» e cun la chanzun «Scatterlings of Africa». Quella tematisescha il fatg, ch'ils emprims umans eran da chasa sin quel continent e ch'els èn lura sa derasads sin tut il mund. En quel senn èn tut ils umans fugitivs e descendents da quels ch'han bandunà lur patria. Il disc e la chanzun ha chattà attenziun en l'Europa e la musica da l'Africa dal Sid cun sias vuschs e ses ritems extraordinaris è arrivada fin tar nus.
Johnny Clegg and Savuka: «Scatterlings of Africa»
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter