Siglir tar il cuntegn

Header

audio
Il fisicher Wilhelm Conrad Röntgen cun in bischen da Röntgen
Röntgen-Kuratorium Würzburg e.V.
laschar ir. Durada: 34 minutas 32 Secundas.
cuntegn

Wilhelm Conrad Röntgen e l'uman transparent

Il november 1895 ha Wilhelm Conrad Röntgen scuvrì ils «radis X» en ses labor a Würzburg. Il dadens da l'uman – ina sensaziun, schanza e sfida per medis sin tut il mund e bainspert era in gag da fiera.

Download

Avant 100 onns, ils 10 da favrer 1923, è mort il fisicher tudestg Wilhelm Conrad Röntgen che n'ha betg mo revoluziunà la medischina cun sia scuverta, mabain era varsaquants auters champs. La saira dals 8 da november 1895 aveva el scuvrì ils uschenumnads «radis X» – e quai per casualitad.

Cura che Röntgen aveva publitgà sia invenziun, era la sensaziun scientifica sa derasada sco in fieu enturn l'entir mund. Il scienzià modest ed introvertì era daventà in star da medias. L'onn 1901 aveva el survegnì l'emprim premi Nobel per fisica.

Röntgen aveva considerà ils radis sco servetsch a l'umanitad ed aveva perquai desistì da patentar l'invenziun – oz numnass ins quest princip Open Source.

Medis sin tut il mund avevan alura radiografà cun ils radis, ch'avevan ussa num radis Röntgen. Tge che mancava dentant: La conscienza da las ristgas entras la radiaziun. Quai aveva chaschunà tschients d'unfrendas, persunas ch'eran bunamain vegnidas irradiadas e ch'eran suenter mortas, per il pli pervi da cancer. Da l'autra vart dumbr'ins oz milliuns da vitas salvadas entras ils radis Röntgen.

Ils radis èn oz indispensabels tant en la medischina ed en la tecnica, sco era en auters secturs scientifics. Per exempel en l'archeologia, la perscrutaziun dal cosmos u da la radioactivitad.

La biografia remartgabla da Wilhelm Conrad Röntgen cun la scuverta dals radis, in sguard sin ses relasch en la medischina e daco che Röntgen era er in zic in dals noss – in Grischun, udis en la Marella.

Dapli da «Marella»

Scrollar a sanestra Scrollar a dretga