Siglir tar il cuntegn

Header

audio
Georg Dolf cun dunna e figlia ils onns 1940 en America.
MAD Caper Nicca
laschar ir. Durada: 48 minutas 31 Secundas.
cuntegn

Georg Dolf – il parent pers

Georg Dolf è, sco tschients auters da la Val Schons, emigrà. Quai era l'onn 1908, cur ch'el ha tschertgà ina meglra vita, l'emprim a Palermo e suenter en l'America. Ma chattà ha el cunzunt ina vita plain lavur.

Download

Georg Dolf ha lavurà sco pastizier, mulschader, camarier, badigliader da charvun, urbarisader, nettegiader da fanestras ed a la fin sco pasterner. Sia istorgia è exemplarica per la gronda part dals emigrants che èn partids durant la gronda unda da l'emigraziun tranter ils 1850 ed ils 1920. Co che quella vita persunala stat en connex cun l'entir fenomen da l'emigraziun da la Val Schons ans metta a lieu Peter Michael-Caflisch. El che ha elavurà l'emigraziun da la Val Schons en l'America en il cudesch «Hier hört man keine Glocken».

La Marella «Georg Dolf – in parent pers» è ina reflexiun da l'emigraziun avant passa 100 onns, lung la vita da Georg Dolf, raquintada da Casper Nicca, il biadi dal frar da Georg Dolf. Sur brevs, documents e raquints s'avischina el a la vita dad in che è partì per restar.

Dapli da «Marella»

Scrollar a sanestra Scrollar a dretga