L'entschatta 1984 ha RTR surpiglià la producziun da chant e musica che vegneva fatga fin là dal Studio da radio DRS Turitg. Il medem mument ha il Radio Rumantsch slargià ses program da 40 minutas al di sin 6 uras ed uschia stgaffì novas emissiuns. Ina – l'Artg musical. Producziun da musica ed Artg musical èn schumellins.
Il 2019 èn plirs Artgs deditgads a quest giubileum e laschan reviver «bels muments» da questa lavur. La 4. part tracta ils onns 2002-2009. Nus udin ils chors: Stierva, Rabius, chor ad hoc Passiun Val Lumnezia, Rueun, Pigniu, Rudè da chant Engiadina, cantus firmus surselva, Champfèr, Ils Emigrant ed ils affons da Sumvitg. E lura las musicas da Lumbrein ed Ardez, la Chapella Tasna, Ils Fränzlis da Tschlin, 4 for you, Alvin Muoth & umens dal cantus firmus surselva ed il duo Maria Victoria Haas & Monika Nagy.
