L'atun 1887 cumpona Hans Erni chanzuns per la scola. Ed el scriva: «Quei duei esser la cruna da mia lavur cumpositorica». I suondan anc 200 chanzuns per chor viril e maschadà (Il pur suveran, Juhe, tgei legria, Il matg, Nossa viarva, La rosa mia, La steilalva, etc.).
Duri Sialm ha numnà Hans Erni il «Bovet» rumantsch. E nus discurrin anc oz dal «bab da la chanzun rumantscha». Hans Erni, scolast, pur, politicher, redactur ed editur da cudeschs da chant e surtut cumponist e dirigent – el è naschì ils 25 da december 1867 a Trin e mort ils 14 d'avrigl 1961 a Tavau. L'Artg musical fa oz omagi a quest grond um dal chant rumantsch.
