Durant il temp da Nadal ariva ina reclama suenter l'autra en chascha da brevs. Blers rabats ed acziuns, ideal per ils regalins da Nadal. Dentant n'èn products betg adina uschè favuraivels sco ch'i paran en l'emprim mument.
Passa 50% rabat e tuttina medem char sco tar la concurrenza
Nus prendain in da blers exempels ch'ins chatta per il mument. Ina televisiun, enstagl da 2999.90 mo pli 1399.90. In grond rabat, bunamain 55%. Sch'ins dat dentant en il num da la televisiun sin google, alura as vesa, tut la concurrenza venda la televisiun era per quest pretsch, senza rabats ed acziun.
Sco è quai pussaivel? Guido Sutter, manader da la partiziun da dretg tar l'uffizi federal deconomia SECO, enconuscha las respostas.
Tenor lescha èn lubidas suandantas acziuns:
- Il pretsch da congual sto esser il pretsch, ch'era avant l'acziun era propi il pretsch ch'ins ha vendì la televisiun en l'atgna butia. Lura pon ins duvrar il pretsch pli aut per mussar il rabat. Quai dentant mo durant maximal dus mais suenter il midament dal pretsch.
- Il pretsch sto vegnir vendì suenter l'acziun per il pretsch che vegn duvrà per congualar il rabat. Quai po esser il cas, sch'ins lantscha in nov product. Suenter sto la butia dentant era propi vender il product per il pretsch pretais en il rabat.
- Il pretsch da concurrenza è pli aut sco l'agen. La butia mussa ch'ins venda il product pli bun martgà sco la concurrenza. En quai cas ston ins dentant savair mussar, ch'ins ha propi la televisiun pli favuraivla. Sche quai n'è betg il cas, n'è l'acziun betg lubida.
Betg lubidas èn suandantas acziuns:
- Il pretsch che vegn duvrà per mussar il rabat n'è mai stà il pretsch dal product en butia. Quai n'è betg lubì. Ina butia sto savair mussar si che lur product è propi ina giada vegnì vendì per quai pretsch pli char. Sche la butia na sa betg far quai, è il rabat betg lubi.
- In product è gia dapi passa dus mais scrit ora sco acziun. Quai n'è betg lubi. Ina acziun, nua ch'i vegn congualà cun in pretsch vegl, as po far durant maximalmain dus mais. Suenter han ins da surprender il pretsch actual.
Il client ha era da surprender responsabladad
Tenor Guido Sutter, mender da la partiziun da dretg dal SECO è la suletta pussaivladad da sa proteger, da far ina curta controlla. Quella è ozendi fitg simpla. Dar en il num dal product sin google e guardar per quant che la concurrenza venda il product. Uschia ans po far la segira, ch'il pretsch è propi ina acziun, u simplamain ina adattaziun dal pretsch envers la concurrenza.
