Siglir tar il cuntegn

Header

audio
Pixabay
laschar ir. Durada: 4 minutas 19 Secundas.
cuntegn

Emprender in linguatg cun in'app – fa quai senn?

Finalmain puspè temp da vacanzas e per blers e bleras temp per ir en l'exteriur. Ma tge sch'ins ha emblidà in zic ina lingua e vul rinfrestgar las enconuschientschas ubain anc emprender ina nova avant che visitar in pajais ester? Applicaziuns d'emprender linguas vulan esser qua ina soluziun.

Las applicaziuns d'emprender linguatgs pon ins parter en duas categorias. I dat apps cun dialogs a bucca, exercizis da grammatica e teoria – pia sumegliant sco en scola.

La segunda varianta èn apps nua ch'ins emprenda in linguatg in zic sco in uffant. Vul dir: Naginas explicaziuns da grammatica u da vocablas. Concret capita quai lura cun gieus sco per exempel dir suenter pleds, mirar sin maletgs e tscherner la vocabla che tutga tiers. 

Da principi pon ins emprender zic a zic linguatgs cun applicaziuns. Sch'ins vul dentant emprender pli a profund in linguatg po quai cuzzar onns. Ina applicaziun po esser ina alternativa pli favuraivla ad ina scola da linguatgs che po gidar per emprender la basa d'ina lingua. 

Dapli da «Il Digitip - il tip digital»

Scrollar a sanestra Scrollar a dretga