Prudaint e Braita

Cun far gitas questa stad en la vallada dal Puschlav hai jau constatà ch'ina fracziun cun pliras bellas aclas porta il num «Prudaint». Natiralmain ch'ils Rumantschs patratgan immediat a «prudent» e vulessan savair pertge ch'ins aveva forsa construì ils mises en in lieu senza privel. Pir cun udir la pronunzia correcta cun l'accent sin il ì enclegiain nus che quai sto esser il prà dadens e betg quel dadora. L'Alp Braita sur quels culms deriva dentant dad inexpressiun probablamain langobarda ed il num n'è linguisticamain betg uschè evident.