3-5 giadas a di durant 10 minutas
L'Uffizi per sanadad recumonda d'avrir tut las fanestras da la stanza 3-5 giadas a di per radund 10 minutas . Cun quai datti aria currenta che «pulescha ora» l'entira stanza. Blers cupitgan la fanestra però sur pliras uras. Quai dat bain aria nova en stanza, i fa però surtut fraid. Ils mirs sa sfradentan ed ils custs per stgaudar vegnan pli gronds. 3-5 giadas 10 minutas a di è effectiv e custa damain.
Sche la stanza n'ha betg fanestras, lura gidi d avrir las portas ubain installar ina ventilaziun.
Attenziun en il bogn
Surtut suenter la duscha ubain in bogn è l'aria fetg umida. Quai èn premissas idealas per bulieus e miffa. Perquai pli spert sco pussaivel dar aria suenter duscha e bogn.
