Il Magazin 8 a Segl Maria pon ins prender a fit. Davos quest magazin stattan duas famiglias da purs da Segl/Val Fex. Lurdes Clalüna e Sarah Bachmann cun lur famiglias. Per las duas dunnas è in pitschen siemi ì en vigur cun quest local per events. Là porschan ellas mintga 8avel di dal mais in eveniment spezial - ils emprims 50 che s'annunzian pon entrar. Ma er privat pon ins prender a fit il local. Sin giavisch stattan Lurdes e Sarah er en cuschina. Ellas hajan adina sustegn da l'entira famiglia. Il project da famiglia haja custà passa 100'000 francs. Fin che quests daners èn amortisads stoppian ellas bain organisar insaquants eveniments. Lurdes e Sarah èn dentant optimistas. I giria bain, din ellas.
Magazin 8 a Segl
Dapi in pèr emnas datti a Segl Maria ina nova purschida - in nov lieu per far teaters, festas da famiglia, uras da joga u tge ch'il cor giavischa.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter