La bun'aura da stad ha procurà per ina racolta da mel d'avieuls extraordinaria il 2015. Da quella bun'aura èn il avieuls sgulads pli savens che usità e vinavant è la fluriziun stada buna.
Fitg buna è la racolta era stada en las Foppas da Sagogn. Là ha Clau Battaglia ses avieuler ch'è integrà en ina teglia dad acla. Suenter la flaivla racolta dal 2014, ha el quest onn gì almain il dubel mel d'avieuls. Gia il mars saja l'aura stada buna per ils avieuls, di Clau Battaglia. Suenter haja lura il guaud flurì, e quai dettia lura in spezialmain bun mel, è el persvadì.
