Cumprova: il mund è ina rucla

L'idea ch'il mund n'è betg ina schiba mabain ina rucla era gia qua avant il viadi da Fernando Magellan. Cumprovà èsi dentant pir cura ch'ils 18 survivents èn turnads il 1522 da l'expediziun da Magellan ch'ha manà ils aventurists sin las Moluccas en l'Indonesia enfin enavos en Spagna. Il Talian Antonio Pigafetta aveva documentà il viadi ed uschia er il fatg ch'els èn navigads ina giada enturn il mund. Da lez temp è quai stà ina prestaziun extraordinaria ed ina cumprova istorica.