Il campiunadi europeic ha per l'emprima gia lieu en dapli che mo dus pajais. En tut vegnan ils gieus da ballape numnadamain giugads en 12 differents pajais. Quai èn: l'Irlanda, l'Ungaria, l'Italia, L'Engalterra, il Danemarc, la Spagna, l'Aserbaidschan, la Rumenia, l'Ollanda, la Russia, la Germania e la Scozia. En mintga terra vegnan 50'000 plantas plantadas. Vinavant vegn l'UEFA a sustegnair divers projects per l'ambient da South Pole. Cun lur engaschament vul l'UEFA cumpensar tut il CO2 che vegn producì durant ils campiunadis europeics.
La cifra – 600'000
L'uniun d'associaziuns europeicas da ballape è sa decidida da plantar 600'000 plantas. Quellas duajan cumpensar las emissiuns da CO2 che vegnan chaschunadas entras il campiunadi europeic 2020.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter