Siglir tar il cuntegn

Header

audio
MAD
laschar ir. Durada: 2 minutas 13 Secundas.
cuntegn

Novas unifurmas per la musica da Domat

Las veglias sajan schon vegn onns veglias, uss dovri in nov vestì. Per 70'000 francs ha la musica da Domat empustà 35 unifurmas. Ils custs surpiglia per gronda part la vischnanca.

Lonn 1803 è la musica da Domat vegnida fundada. Varga 200 onns pli tard dat quai uss ina nova unifurma, la setavla en tut. L'onn 2017 è vegnida messa ensemen ina cumissiun d'unifurmas per chattar ina nova. Quella ha relativ spert mess sin palpiri las ideas, curt pli tard èn els ids tar il producent d'unifurmas Schuler. Schon la prima versiun ha fascinà ils musicants. Grondas discussiuns n'haja quai betg dà, eifer curt temp hajan ins schon gì il nov vestì.

Grond sustegn da la cuminanza

La musica da Domat cumpra quest onn era novs instruments. Ensemen cun las unifurmas custa tut quai var 125'000 francs. La gronda part da quests custs surpiglia la vischnanca e la vischnanca burgaisa da Domat. Sin questa moda vulan quels sa revantschar cha la musica suna tar lur occurrenzas. Per engraziar per il sustegn, fa la musica ina festa per preschentar las novas unifurmas.

Dapli da «Total local»

Scrollar a sanestra Scrollar a dretga