Siglir tar il cuntegn

Header

audio
Strauss sa basa en siu poem sinfonic sin in'ovra filosofica.
Pixabay
laschar ir. Durada: 60 minutas 17 Secundas.
cuntegn

«Also sprach Zarathustra» – Dapli ch'ina levada dal sulegl

Richard Strauss (1864-1949) ha scrit ina cumposiziun musicala per grond orchester. El sa basa a moda libra sin il cudesch filosofic da Friedrich Nietzsche (1844-1900) «Also sprach Zarathustra».

Quest cudesch tracta la relaziun dad in individi cun il mund, la relaziun tranter carstgaun e natira. Il profet Zarathustra vegn cun la levada dal sulegl giu dal cuolm e raquinta als carstgauns che vivan ina vita terrestra, ch'i dettia er ina forza superiura. Tenor il profet valia la paina da sa stentar a quella forza superiura – in surcarstgaun.


Ord vista musicala èn las tonalitads C-dur sco er h-moll da gronda impurtanza per «Also sprach Zarathustra» da Strauss. Uschia è l'introducziun ina gronda cadenza che finescha en C-dur. Suenter l'emprima cesura mida la tonalitad abrupt en h-moll. La cumposiziun finescha era cun vi e nà d'accords da talas tonalitads.


Uschia pudess ins concluder che Strauss interpretescha cun la dispita da quellas duas tonalitads, che na pudessan betg esser pli differentas e lunsch davent ina da l'autra, il cumbat dad in carstgaun per daventar in surcarstgaun.

Musica – ils ultims tocs

Dapli da «La classica»

Scrollar a sanestra Scrollar a dretga