En la «populara» da RTR gratulain nus oz a Hans-Luzi Hunger. Il musicant e cumponist che stat uss a Tusaun è naschì ils 19 da schaner dal 1953 en la Val Stussavgia. El è commember da fundaziun ed accordeonist da la chapella «Rhygold», suna er tar la chapella Via Mala – e cun ses figl Bernhard tar il duet d'accordeons Hunger-Hunger.
Hunger ha er cumponì blers sauts, per exempel: «Bim Joe uf em Rinerhorn», «So gfallts em Hans Fischer», ubain il schottisch «Fadärasunntig». Hans Luzi Hunger è però er preschent sco promotur da la musica populara, ed el è er stà engaschà sco president da l'uniun da musica populara dal Grischun VSV, dal inscunter da chapellas a Landquart ed a favur dal premi da musica populara dal chantun Grischun.
