En la mina Diavik ch'è 220 kilometers en il sid dal circul polar han miniers chattà in diamant da 552 carats. Quai correspunda ad in pais da bun 110 grams – il diamant è mellen ed ha la grondezza d'in ov da giaglina.
Nunusità en il nord
Ina scuverta d'in diamant da tal pais è nunusità en il nord. Diamants gronds vegnan cunzunt avant en il sid. Spezialmain en il sid da l'Africa. Uschia han ins chattà ils pli gronds diamants insumma a Botswana u er en l'Africa dal Sid.
