Fraçois Fillon è politicher da la dretga ed è stà primminister sut il president Nicolas Sarcozy. Avant ha el gì differents posts da minister. Fillon fa politica dretga. El na metta betg en dumonda l'Uniun europeica, vul dentant rinforzar la posiziun da la Frantscha, Plinavant vul el auzar la vegliadetgna da pensiun ed il temp da lavur.
L'image da François Fillion ha dentant patì da diversas renfatschas. Tranter auter duai el avair emploià cun daners dal stadi confamigliars sco assistents politics, senza che quels han lavurà.
Jean-Luc Mélenchon – il candidat sanester
Mélenchon è gia vegnì politicamain activ sco gimnasiast e student. Quai en moviments cunter il stadi. Suenter il studi da litteratura e filosofia è el sa deditgà cumplainamain a la politica. El ha gì divers uffizis politics sco p. ex. en il parlament europeic ma er en Frantscha, p. ex. sco minister d'educaziun en la regenza da Lionel Jospin.
Jean-Luc Mélenchon fa cleramain politica sanestra. Tranter auter vuless el sco president auzar la paja minimala, dapli vacanzas sco er augmentar las prestaziuns da la cassa da malsauns. El crititgescha l'Uniun europeica per la politica da spargn e stat s'engascha per energias regenerablas.
