La votaziun ha gì lieu curt suenter la guerra, l'onn 1919. Cun gronda participaziun (47'727 persunas) han ils «Voralbergers» alura vuschà per far tractativas cun la Svizra.
Curt suenter la votaziun èsi dentant vegnì tar midadas. Numnadamain havevan l'entente e la monarchia Austria-Ungaria fatg in contract. Il «contract da St. Germain» aveva reglà co i va vinavant cun la monarchia. Tranter auter han ins decidì che la monarchia daventa in nov pajais independent e che la regiun Vorarlberg duess far part da quel. Quai pajais independent enconuschain nus oz sut il num: Austria.
