Siglir tar il cuntegn

Header

audio
Tar controllas da bigliets pon ins uss er mussar il SwissPass sin il telefonin
Keystone
laschar ir. Durada: 3 minutas 51 Secundas.
cuntegn

Digitip – L'abunament dal traffic public sin il telefonin

Dapi curt porschan las Viafiers federalas la pussaivladad da registrar il SwissPass en la app da la SBB. Tar controllas pon ins pia mussar l'abunament da mesa taxa u general sin il telefonin. Il digitip declera tge ch'ins sto resguardar sch'ins dovra quella funcziun.

Download

Per acitvar il SwissPass sin il telefonin, dovri la app da la SBB. Quai è la medema app ch'ins sa duvrar per cumprar bigliets e per guardar l'urari. La app datti gratuit per android ed iOS. En quella ston ins sa registrar e sa lu dar en la numbra da clients ch'ins chatta sin il SwissPass. Silsuenter è il SwissPass cun foto e QR-Code sin il telefonin.

Tgi che dovra la funcziun SwissPass Mobile sto tuttina er avair la carta dal SwissPass en la tastga u bursa. Sch'il conductur na po numnadamain ina giada betg leger cun ses apparat il QR-Code – perquai che per exempel il display dal telefoni è donnegià – lura dastga el pretender la carta.

Plinavant sto il telefonin avair regularmain contact cun la rait dad internet e mussar l'ura actuala ed exacta.

BÜGA sco SwissPass Mobile

Registrar en la app da la SBB san ins tut ils abunaments da traffic public ch'èn referenziads sin il SwissPass. Dapi l'entschatta da november pon er ils possessurs d'in BÜGA (abunament general per il Grischun) mensil laschar metter l'abunament sin il SwissPass ed uschia duvrar la funcziun mobila. Tut quels che han in BÜGA per in entir onn ston anc avair in pèr mais pazienzia. A partir da proxima stad vegn lura però er quel sin il SwissPass, cura ch'ins cumpra in nov.

Per duvrar ils servetschs da partenaris sin il SwissPass sco abunament dad ir cun skis u da mobility, ston ins er en vinavant duvrar la carta. SwissPass Mobile na sustegna betg quests survetschs.

Dapli da «Tips, trics e tacs»

Scrollar a sanestra Scrollar a dretga