Avant da cumenzar da far maletgs e sequenzas da films rendi da prender temp da far l'emprim suandants ponderaziuns.
- Idea: Mintga film cumenza cun ina idea. Tge vul vul ins raquintar? Tge motivescha da far il filmin?
- Memorisar: Guardar ch'ins ha avunda capacitad da memorisar ils videos e maletgs.
- Relaziun da glisch: Era ponderar cura che las relaziuns da glischs èn pli idealas da filmar.
- Planisaziun: Ina buna planisaziun spargna temp. Disegnar l'andament e crear ina tabella nua ch'ins preschenta mintga scena.
- Producziun: Lavurar consequentamain suenter la planisaziun uschia na perda'ins betg la survista dals maletgs ch'ins ha fatg. Controllar la gliesta da scenas e mirar sch'ins ha era tut ils maletgs necessaris.
- Tagl: Elavurar il filmin cun agid da la planisaziun.
- Publicaziun: Mussar il film ad insatgi per giuditgar e publitgar pir suenter el.
E lura finalmain cura che tut è pront pon ins cumenzar cun filmar. Ma era qua ston ins resguardar intginas chaussas.
- Tegnair la camera en il format traversal.
- Tar il filmar evitar moviments hectics.
- Evitar tar il filmar da duvrar il zoom.
- Metter telefonin sin modus da sgol per evitar disturbis da telefons durant il filmar.
Forsa vul ins integrar respostas u remartgas da singulas persunas ch'ins ha filmà u forsa far suttitels. Tar las intervistas ch'ins fa cun ils protagnists ston ins resguardar il suandant:
- Mo far ina dumonda a la giada.
- Dumondas avertas dattan libertads, da chattar atgnas dumondas. Dumondas classicas che restan avertas èn : daco ? pertge ? sco? tras tge? tge?
- Dar adatg da betg far dumondas memia serrarads. Dumondas nua ch'ins po be rispunder cun gea u na.
- Cunbinar bain las dumondas cun fatgs ch'ins ha retschertgà.
- Adina tadlar bain tge che la persuna di e dumandar suenter.
- Sa preparar bain cun elavurar ina glista cun dumondas.
E la fin finala – mai emblidar da dumandar la persuna sch'ins dastga preschentar il film sin ina plattafurma.