Oz ha l'Anna Maria da Tavanasa fatg in cumpliment a ses partenadi Toni Casanova da Rueun. 19 onns èn els gia en ina relaziun ed el gidia ad ella en tut las situaziuns da la vita. Perquai ha ella oz ditg grazia ad el – per esser in regal en sia vita.
Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.