Quest'emna ha Simon Caminada da Laax fatg in cumpliment a sia feglia Erna Cathomas da Breil. El engrazia da tut cor per tut quai ch'ella ha fatg per la famiglia, en spezial cun l'organisaziun da las lavurs da renovaziun e giavischa tut bien per il futur!
Faschai era part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.