Oz ha Carla Meng da Cinous-chel fatg in cumpliment ad Anna e Monika Schneider-Späni per lur amicizia. Ella è engraziaivla a las dunnas dad Ennetbaden ch'i han adina in'ureglia averta per ella e ch'ellas van communablamain tras buns e nauschs temps da la vita – quai malgrà la distanza geografica.
Ma era sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.
